設計描述 :
【滿名山 1,476' l 客人 x 設計師一併參與設計】今次完工單位位於 滿名山 名庭，實用面積為1,476平方呎的4房單位，費用約88萬。
今次係客人第三次 "回購"🤣
對上兩次都係由設計師作主導，今次就由戶住兩位囝囝 x 設計師一齊設計，所以用色上及材料都比較之前大膽👁👁
因為是新樓盤，所以保留原有浴室及廚房，其餘4房間都重新打造。
1️⃣首先玄關鋪上以流線型切割的灰色水泥磚，再配上石塑木紋地板。飯廳一組懸浮高身C字櫃內更加設神位櫃及飾櫃，另一邊係一組弧形儲物櫃及鞋配合房間暗門延伸至電視背飾牆，加上電視矮櫃及儲物櫃感覺更加一致。天花弧形圓角燈槽及飯廳懸浮飾假天花互相配盒，不用吊燈就更加突顯高樓底。
走廊拆除兩幅磚牆改為兩組通透高身飾櫃可以減少壓迫感。
2️⃣大仔套房設有L形燈槽，衣櫃用上黑鋼框灰玻璃，內加感應燈。左右設有吊書櫃及空格層板矮櫃，方便坐喺休閑椅舒適地取書看，書檯用上電動升降枱咁工作時就更靈活。
3️⃣細仔房設U形燈槽可增加空間感及光線舒適度，衣櫃同樣用上黑光框灰玻璃內加感應燈，床尾更加設高身書櫃連飾物櫃，櫃內還可以放置電子琴；另外細房設L形燈槽，簡單配上儲物大衣櫃，掩門抽手配上古銅鋼就更加高貴。
4️⃣主人房，因高樓底所以入門口上加木格仔儲物假天花，再配合U形燈槽，L形衣櫃配上特別造型古銅鋼抽手，窗台側加設開放式高身書櫃，床尾孤形書檯連儲物矮櫃，上加吊書櫃空間感就唔有壓迫感。